Հայ-ֆրանսիական առևտրաարդյունաբերական պալատի (ԱԱՊ) նախագահ Անժել Մելքոնյանը և Երևանի ԱԱՊ նախագահ Անդրանիկ Ալեքսանյանը Երևանում ստորագրել են համագործակցության մասին պայմանագիր:
«Մեր ֆրանսիացի գործընկերները նախօրեին հանդիպել են հայ գործարարների հետ, ուսումնասիրել են մեր շուկայի հնարավորությունները և որոշել այն ուղղությունները, որոնք հնարավոր է զարգացնել»,- ասել է Երևանի ԱԱՊ ղեկավարը:
Ֆրանսիայի և Հայաստանի գործարարները քննարկել են զբոսաշրջության, էներգետիկայի, նոր տեխնոլոգիաների, դիզայնի, շինարարության և այլ ոլորտներում համագործակցության հնարավորությունները: Բացի դրանից, ստորագրվել է պայմանագիր 2011-ին Մարսելում «Լավագույնը Հայաստանից» ցուցահանդես-վաճառքը կազմակերպելու համար: Այդ ցուցահանդեսին ներկայացվելու են Հայաստանի տնտեսության տարբեր ոլորտներ, ինչպես նաև մշակութային ծրագրեր: