«Ես աշխատում եմ մի մեծ օրատորիայի վրա, որը նվիրված է Հայոց ցեղասպանությանը, և որոշեցի աջակցության համար դիմել Հայաստանի մշակույթի նախարար Հասմիկ Պողոսյանին: Նախարարը խոստացավ սատարել օրատորիայի ստեղծմանը, եթե ես այն ավարտին հասցնեմ 2012թ. և պարտիտուրան փոխանցեմ ՀՀ կոմպոզիտորների միության նախագահին, որպեսզի այն կատարվի 2015թ.՝ Հայոց ցեղասպանության 100-ամյակի կապակցությամբ»,-ասել է հայ ժողովրդի բարեկամ, շվեյցարացի կոմպոզիտոր Ալեքսանդր Բրինկենը Երևանում կայացած մամլո ասուլիսում:
Ըստ նրա, «Երկ Հայաստանի մասին» օրատորիան մի մեծ ստեղծագործություն է, գրված նվագախմբի ու երգչախմբի համար, մոտ 1 ժամ տևողությամբ:
Ալեքսանդր Բրինկենը ընդգծել է նաև, որ վաղուց է հետաքրքրվում հայ մշակույթով և պատմությամբ՝ հավելելով, որ այցելությունը Ծիծեռնակաբերդ խորը հետք է թողել իր մոտ:
