Հայաստանի և Իրանի բարեկամական կապերի ընդլայնման շնորհիվ տարածաշրջանում անվտանգության մթնոլորտ է ձևավորվում: Երկրների միջև լավ հարաբերություններ են ձևավորվել նաև տնտեսական ոլորտներում: Այդ մասին Երևան մեկնելուց առաջ հայտարարել է Իրանի մեջլիսի խոսնակ Ալի Լարիջանին:

Իրանական պատվիրակության կազմում են խորհրդարանական ու հյուպատոսական հարցերով արտգործնախարարը, Իրանի խորհրդարանի երկու հայազգի պատգամավորներ, Իրան-Հայաստան բարեկամության խմբի անդամներ: Երևանից Լարիջանին կմեկնի Ղազախստան, հաղորդում է իրանական Mehr լրատվական գործակալությունը: