Հոկտեմբերի 15-ին Վրաստանի խորհրդարանն ընդունեց Սահմանադրության մեջ փոփոխություններ ու լրացումներ կատարելու մասին օրինագիծը, որի համաձայն նախագահի լիազորությունների մեծ մասն անցնում է խորհրդարանին ու վարչապետին: Կողմ քվեարկեցին 112 պատգամավորներ, դեմ էին ընդամենը 5-ը:
Ընդդիմությունը գտնում է, որ նոր Սահմանադրությունը թույլ կտա Միխայիլ Սահակաշվիլիին իշխանության մեջ մնալ 2013 թվականից հետո, արդեն որպես վարչապետ:
2013թ. լրանում է Միխայիլ Սահակաշվիլու նախագահության երկրորդ ժամկետը:
Փոփոխություններն ուժի մեջ կմտնեն արդեն այս տարի, հայտնում է BBC-ին: