Հայաստանի` որպես տարածաշրջանային ֆինանսական կենտրոնի ձևավորվելու հարցը քննարկվել է Երևանում հոկտեմբերի 17-19-ը ֆինանսիստների և բանկիրների առաջին համահայկական համաժողովում: Ռուս փորձագետը լրագրողների հետ զրույցում նշել է, որ նման խոսակցություններ ընթանում են նաև Մոսկվայում:
Նրա կարծիքով, անհրաժեշտ է վերլուծել Սինգապուրի և Հոնկոնգի փորձը, որոնք իրենց տարածաշրջաններում ֆինանսական կենտրոններ են: «Ի՞նչ է արվում Ռուսաստանում և մասամբ Հայաստանում: Մենք սկզբից պաշտոնապես հայտարարում ենք, իսկ հետո մտածում ենք հետագա քայլերի մասին: Սկզբից պետք է անել` հիմք ունենալ, իսկ հետո գնալ առաջ»,- ասել է նա:
Խոսելով Հայաստանի` որպես ֆինանսական կենտրոն ձևավորվելու վրա ազդող թերությունների մասին, նա նշել է, որ Հայաստանում թույլ է պրոֆեսիոնալ ծառայությունների բազան, մասնավորապես, այն ընկերությունների համար, որոնք գալիս են այստեղ ցուցակում անցնելու համար:
