Ֆինանսիստների ու բանկիրների առաջին համահայկական խորհրդաժողովի արդյունքներով, որը կայացավ հոկտեմբերի 17-ից 19-ը Երևանում, հիմնադրվեց Ֆինանսիստների ու բանկիրների համահայկական ասոցիացիան: Ասոցիացիայի կազմում ընդգրկվել են ֆինանսիստներ Սփյուռքից և Հայաստանի նախարարությունների, Կենտրոնական բանկի ու Հայաստանի Բանկերի միության ներկայացուցիչներ:
Հայաստանի Սփյուռքի նախարար Հրանուշ Հակոբյանը հաղորդել է, որ ասոցիացիան իրենից ներկայացնելու է հասարակական կազմակերպություն, որը միավորելու է Սփյուռքի պրոֆեսիոնալներին:
«Ասոցիացիան բացահայտելու է Սփյուռքի հայ ֆինանսիստների ներուժը և այն ուղղելու է Հայաստանի զարգացմանը»,- ասել է Հայաստանի Բանկերի միության (ՀԲՄ) նախագահ Արարատ Ղուկասյանը` ավելացնելով, որ Ասոցիացիայի կազմակերպչական հարցերը կստանձնի ՀԲՄ-ն:
Բացի դրանից, Արարատ Ղուկասյանը հաղորդել է, որ 2011 թվականին լիբանանցի բանկիրների նախաձեռնությամբ Լիբանանում աշխատանքային փորձի փոխանակման համար Հայաստանից և Լիբանանից բանկիրների հանդիպում կկազմակերպվի:
