Մայր Աթոռ Սուրբ Էջմիածինը մի շարք միջոցառումներ է նախաձեռնել` նվիրված Ամենայն Հայոց Կաթողիկոս Խրիմյան Հայրիկի 190-րդ տարեդարձին:
Հոկտեմբերի 21-ին Մայր Աթոռ Սբ. Էջմիածնի և ՀՀ ԳԱԱ-ի համատեղ նախաձեռնությամբ ԳԱԱ շենքում տեղի կունենա գիտաժողով` նվիրված Խրիմյան Հայրիկի հոբելյանին:
Մայր Աթոռ Սբ. Էջմիածնում կիրակի օրը` Սբ. Պատարագի ավարտին, Խրիմյան Հայրիկի շիրմի առջև տեղի կունենա հոգեհանգստյան կարգ, հաղորդում է Մայր Աթոռ Սուրբ Էջմիածնի մամլո դիվանը: