Առողջապահության համակարգի օպտիմալացման ու արդիականացման պետական ծրագրի շրջանակներում Գյումրիում կբացվի նոր բժշկական կենտրոն: Կենտրոնի շինարարական աշխատանքների ընթացքին է ծանոթացել աշխատանքային այցով Շիրակի մարզում գտնվող ՀՀ նախագահ Սերժ Սարգսյանը: Նոր կենտրոնում կմիավորվեն Շիրակի շրջանային հիվանդանոցը, «Սամարիտե» հիվանդանոցն ու Գյուլբենկյանի անվան վիրաբուժական հիվանդանոցը:

Կենտրոնի շինարարությունը սկսվել է 2009թ. Համաշխարհային բանկի վարկային ծրագրի շրջանակներում: Այդ ծրագրին հատկացվել է 11 մլն դոլար, որոնցից 8,3 մլն դոլարը շենքի արժեքն է, մնացած միջոցները նախատեսված են սարքավորումների և տեխնիկայի ձեռք բերման համար: