Պլովդիվում ավարտվեց շախմատի Եվրոպայի թիմային առաջնությունը: Կանանց «Միկա» ակումբը հավաքեց 18 միավոր և նվաճեց առաջնության բրոնզե մեդալները:

Առաջնության յոթ տուրերում հայկական ակումբը հաղթեց «Herzliya Chess» (Իսրայել), «St.Petersburg», «BAS Beograd» (Սերբիա), «Lokomotiv 2000»-ին, ոչ ոքի խաղաց Ռուսաստանի «AVS»-ի և Վրաստանի «Samaia»-ի ու Մոնակոյի «Cercle d'Echecs de Monte Carlo»-ի հետ: Վերջինս էլ նվաճեց չեմպիոնի տիտղոսը:

«Միկայի» տղամարդկանց ակումբը վերջին տուրում պարտություն կրեց Գերմանիայի «Baden-Baden OSG» և ավարտեց իր ելույթները 11 տեղում՝ հավաքելով 26,5 միավոր: Հայ գրոսմայստերները 4 տուրերում հաղթանակ տարան, ոչ ոքի խաղացին մեկ տուրում և երկուսում պարտություն կրեցին: Հաղթող դարձավ Ռուսաստանի «Economist- SGSEU-1»-ը՝ վաստակելով 28,5 միավոր: