Այս տարի «Նռան հատիկ» փառատոնին կմասնակցեն թատերական խմբեր Հայաստանի մարզերից, ինչպես նաև Արցախից, Ջավախքից ու Իրանից: Կարելի է ասել, որ մենք արդեն դուրս ենք գալիս միջազգային ասպարեզ»,- PanARMENIAN.Net-ի թղթակցի հետ զրույցում հայտարարել է «Նախաբեմ» մշակութակրթական ասոցիացիայի փոխնախագահ Գարիկ Ղազարյանը Երևանի «Մետրո» թատրոնում տեղի ունեցած «Նռան հատիկ» 10-րդ մանկապատանեկան թատերական փառատոնի բացմանը:
Նա հավելել է, որ անցյալ տարի փառատոնին մասնկցել են նաև թատերական խմբեր Ֆրանսիայից: Ղազարյանը նշել է նաև, որ փառատոնի շրջանակներում ներկայացումները կանցնեն նաև «Համազգային» թատրոնում և Շիրակացու անվան ճեմարանում: «Մենք նաև շատ կցանկանայինք, որ փառատոնն անցներ նաև Ղարաբաղում»,-ասել է նա՝ հույս հայտնելով, որ ապագայում դա հնարավոր կլինի:
Փառատոնը կտևի մինչև հոկտեմբերի 30-ը:
