Ստամբուլի դատարանի որոշումը Հրանտ Դինքի սպանության համար մեղադրվող Օգյուն Սամասթի գործի լսումը անչափահասների դատարան տեղափոխելու մասին, բանավեճի առարկա է դարձել Թուրքիայի քաղաքական շրջանակներում: Ըստ արդարադատության նախարարի, գործի լսումները պետք է շարունակվեն այնտեղ, որտեղ սկսվել են: Մշակույթի նախարարը հայտարարել է, որ ափսոսում է Ստամբուլի դատարանի որոշման համար:
«Քար նետողն ու կրակողը չպետք է հավասար պայմաններում գտնվեն»,-ասել է ընդդիմադիր Ժողովրդա-հանրապետական կուսակցության ղեկավար Քեմալ Քըլըջարօղլուն: Ինչպես գրում է Cumhuriyet-ը, Հրանտ Դինքի ընտանիքը նույնպես դեմ է լսումների տեղափոխմանը անչափահասների դատարան:
Նախօրեին Ստամբուլի դատարանը որոշել է տեղափոխել Հրանտ Դինքի սպանության համար մեղադրվող Օգյուն Սամասթի գործի լսումը անչափահասների դատարան:
