«Ոսկին միշտ եղել է և կլինի ռեզերվային մետաղ և ոսկու գները կաճեն այնքան ժամանակ, քանի դեռ կա որոշակի անվստահություն»,-հայտարարել է GeoProMining ընկերությունների խմբի նախագահ Ռոման Խուդոլին:
Ըստ նրա, նման միտումները աշխարհում կպահպանվեն տնտեսական անկայունության պատճառով: »Մոլորակի բնակչությունն աճում է, կենսամակարդակը, հիմնականում, բարձրանում է: Տնտեսությունների որոշ անկայունությունը դրդում է շուկային անցնել առավել հուսալի գործիքների, իսկ ոսկին հնուց ի վեր համարվել է միջոցների պահպանման հուսալի գործիք»,-ասել է նա:
Ինչպես նշել է Խուդոլին, դրա հետ մեկտեղ աճող պահանջարկի ուղղությունը հիմք է ծառայում ոսկու թանկացման ու արտադրության ծավալների աճի համար: «Այդ երկու բաղադրիչները շաղկապված են, սակայն որքանով կկարողանա շուկան բավարարել պահանջարկը, շատ լուրջ բանավեճի առարկա է և կախված է բազմաթիվ գործոններից»,-հավելել է Խուդոլին:
