Հոկտեմբերի 29-ին Հայաստանի արտաքին գործերի նախարար Էդվարդ Նալբանդյանն ընդունեց Եվրոպական խորհրդարանի պատգամավորներ Միշել Ռիվազիի (Կանաչների խմբակցություն, Ֆրանսիա) և Դամիեն Աբադի (Եվրոպական ժողովրդական կուսակցության խմբակցություն, Ֆրանսիա) գլխավորած պատվիրակությանը:
Էդվարդ Նալբանդյանը ողջունեց հյուրերին և կարևորեց միջխորհրդարանական համագործակցության դերը Հայաստան-ԵՄ հարաբերությունների խորացման գործում: Զրուցակիցներն անդրադարձ կատարեցին Հայաստան-ԵՄ հարաբերություններին և դրանց զարգացման հեռանկարներին:
Հայաստանի ԱԳ նախարարն ընդգծեց ևրոպական խորհրդարանի պատվիրակության այցելությունների կարևորությունը Հայաստան, առավել ևս` Արցախ, ինչը հնարավորություն է տալիս ավելի մոտիկից ծանոթանալ առկա իրողություններին, խնդիրներին և դրանց լուծման իրատեսական հեռանկարներին:
Եվրոպական խորհրդարանիպատգամավորների խնդրանքով Էդվարդ Նալբանդյանը ներկայացրեց արցախյան հիմնախնդրի կարգավորման գործընթացի վերջին զարգացումները: Քննարկվեցին նաև տարածաշրջանային այլ հարցեր:
Նույնն օրը ՀՀ ԱԳ նախարար Էդվարդ Նալբանդյանը աշխատանքային ճաշ է ունեցել Երևանում հավատարմագրված ԵՄ անդամ պետությունների դեսպանների և ԵՄ պատվիրակության ղեկավարի հետ: Հանդիպմանը քննարկվելէմիջազգային և տարածաշրջանային հարցերիլայն շրջանակ, հաղորդում է ՀՀ ԱԳՆ մամլո ծառայությունը