Հոկտեմբերի 25-ից նոյեմբերի 6-ը «Հարավկովկասյան երկաթուղի» ՓԲԸ-ի աշխատակիցները կմասնակցեն հաշվապահական դասընթացների, որոնք կազմակերպում է «ԲԴՈ Յունիկոն» միջազգային աուդիտորախորհրդատվական խումբը:
«Դասընթացների նպատակն է որակավորման բարձրացումը, ինչպես նաև ընկերության աշխատակիցների որակավորման համապատասխանեցումը միջազգային չափանիշներին»,-ասվում է ընկերության հաղորդագրության մեջ: Քանի որ Հայաստանն անցնում է ֆինանսական հաշվետվության միջազգային չափանիշների, ՀԿԵՈւ ղեկավարությունը որոշել է համապատասխանեցնել հաշվապահությունը միջազգային պահանջներին: Արդեն պատրաստվել և ներդրվում է ֆինանսական հաշվետվության միջազգային չափանիշներին համապատասխանող հաշվապահական հաշվառման ծրագիրը:
«ՀԿԵՈւ» ՓԲԸ-ն մտադիր է ավարտել 2010 ֆինանսական տարին արդեն միջազգային ֆինանսական չափանիշները հաշվի առնելով:
