Ալեքսեյ Վենեդիկտովը դեմ է Հոլոքոսթի ժխտման համար քրեական հետապնդմանը
«Ազգային պետությունները հիմնականում առաջացել են 19-րդ դարում: Այլ կերպ չի եղել,սակայն, դա չի նշանակում, թե դա լավ է: Ես դեմ եմ, որպեսզի պետությունը որոշում կայացնի խորհրդարանի, նախագահի կամ վարչապետի մակարդակով, որոշի կարելի է խոսել Հոլոքոսթի մասին կամ չի կարելի խոսել Հոլոքոսթի մասին, որ պետք է արգելել խոսել Հայոց ցեղասպանության մասին կամ դա ցեղասպանություն անվանել: Դա ոչ խորհրդարանների, ոչ էլ կառավարության գործն է»,-ՌԴ Առաջին ալիքի «Պոզներ» հաղորդման եթերում հայտարարել է «Էխո Մոսկվի» ռադիոկայանի գլխավոր խմբագիր Ալեքսեյ Վենեդիկտովը: Նա ասել է նաև, որ դեմ է Հոլոքոսթի ժխտման համար քրեական հետապնդմանը:
