Բացառված չէ Հայաստանում աղանդների առաջնորդների կողմից ակուստիկ զենքի կիրառումը
«Ես չեմ բացառում այն հնարավորությունը, որ աղանդների առաջնորդները կարող են ակուստիկ զենք կիրառել իրենց կազմակերպության անդամների նկատմամբ»,- նոյեմբերի 11-ին «Աղանդները որպես սպանությունների և ինքնասպանությունների պատճառ» թեմայով մամլո ասուլիսի ժամանակ հայտարարել է «Քայքայիչ աղանդներից տուժածների օգնության կենտրոն» ՀԿ-ի ղեկավար Ալեքսանդր Ամարյանը:
Նրա խոսքերով, ի տարբերություն հիպնոզի և հոգեբանական մեթոդների, ակուստիկ զենքն առանց բացառության ազդում է բոլորի վրա:
Ակուստիկ զենքն ուղեղի վրա ազդում է գերձայնային ալիքների միջոցով, որոնք մադու ականջն ընդունակ չէ ընկալել, բայց ուղեղի վրա այդ ձայներն ուժեղ ազդեցություն են ունենում:
