Չարժե առաջընթաց ակնկալել ղարաբաղյան կարգավորման հարցում Աստանայում կայանալիք ԵԱՀԿ գագաթնաժողովում: Այդ մասին հայտարարել է ԼՂՀ ԱԳ նախկին նախարար Արման Մելիքյանը:
Ըստ նրա, պաշտոնական Մոսկվան վերջերս սկսել է հաճախակի հայտարարություններ անել Հայաստանի կողմից տարածքներ հանձնելու վերաբերյալ: «Նախկինում Ռուսաստանն այդչափ վճռական չէր ղարաբաղյան կարգավորման հարցում: Սակայն, Մոսկվան, նույնիսկ հասնելով տարածքների հանձնման, չի կարողանա երաշխիքներ ստանալ Բաքվից Ադրբեջանում մշտական ռուսական ներկայության մասին»,-ասել է Արման Մելիքյանը:
Արման Մելիքյանը հայտարարել է, որ նույնիսկ եթե Աստանայում հռչակագիր ստորագրվի, լուրջ փոփոխություններ հակամարտության կարգավորման գործընթացում չեն լինի: