Երեկ մի քանի դեռահաս աղջիկներ ձերբակալվել են Հայաստանի ոստիկանության կողմից այն հիմնավորումով, որ նրանք, իբր, եղել են «էմո» սուբկուլտուրայի ներկայացուցիչներ: Սակայն աղջիկներից մեկի` 17-ամյա Իզաբելլայի մայրը PanARMENIAN.Net-ի թղթակցի հետ զրույցում ասել է, որ նրա դուստրն այդ շարժումով տարվել է երեք տարի առաջ, իսկ հիմա ոչ մի կապ չունի դրա հետ: «Իմ աղջիկն ուղղակի հագնվում է որպես էմո: Աղջիկներին ձերբակալել են այն հիմնավորումով, որ նրանցից մեկն ընկերուհուն նվեր է հանձնել. մոտավորապես բաժակի մեծությամբ գանգ երկու փոքրիկ դաշույններով»: