2010-ի նոյեմբերի 18-ին ՌԴ կապի և զանգվածային հաղորդակցությունների նախարար Իգոր Շչեգոլևի և ՀՀ տրանսպորտի և կապի նախարար Մանուկ Վարդանյանի հանդիպման ընթացքում քննարկվել են կապի ոլորտում համագործակցության հեռանկարները: Ինչպես հայտնում է ՌԴ կապի նախարարության մամլո ծառայությունը, Իգոր Շչեգոլևվը հիշեցրել է կապի օպերատորների հետ ռոումինգի սակագները նվազեցնելու մասին ձեռք բերված պայմանավորվածության մասին և խնդրել հայկական կողմին իր հերթին վերահսկել այդ գործընթացը և իրագործել ձեռք բերված համաձայնությունները:
Առանձին շոշափվել է Հայաստանի մասնակցության հնարավորությունը արբանյակային կապի հետ կապված նախագծերում: Մասնավորապես, հայկական կողմն առաջարկել է դիտարկել Հայաստանին ենթակա ուղեծրային դիրքերի համատեղ օգտագործման հնարավորությունը: Իր հերթին, Իգոր Շչեգոլևը հաղորդել է, որ տվյալ պահին Ռուսաստանում անցկացվում է արբանյակային խմբավորումների նորացում:
