«Ֆրանսիայի նախագահ Նիկոլյա Սարկոզին վրեժխնդիր եղավ ինձանից քաղաքական դաշտում նրա որդու՝ Ժանի ճանապարհը փակելու համար»,- Le Monde-ին տված հարցազրույցում հայտարարել է Ֆրանսիայի տնտեսական զարգացման նախկին նախարար, հայազգի Պատրիկ Դևեջյանը, որը նոր ֆրանսիական կառավարության ձևավորման հետևանքով զրկվել է նախարարի պորտֆելից և Օ դե Սեն շրջանի գլխավոր խորհրդի ղեկավարի պաշտոնից:
Նրա խոսքերով, հոկտեմբերի 15-ին Սարկոզին կանչել է նրան իր մոտ և անհիմն մեղադրել դեպարտամենտում ներկուսակցական ընտրությունների ժամանակ Ժանի դեմ ելույթ ունենալու մեջ:
Դեռ 2009-ին Le Progres պարբերականը գրել էր, որ Նիկոլյա Սարկոզիի և Պատրիկ Դևեջյանի միջև բարեկամական հարաբերությունները կարող են խզվել Ֆրանսիայի նախագահի որդու պատճառով: