«Օրինագծում շտկումների հետևանքով կտուժի Հայաստանի կանանց 3 տոկոսը»,- PanARMENIAN.Net-ի թղթակցի հետ զրույցում ասել է սոցիալական հարցերով մշտական խորհրդարանական հանձնաժողովի նախագահ Հակոբ Հակոբյանը:
Նրա խոսքերով, «Ժամանակավոր անաշխատունակության նպաստների մասին» օրինագծում շտկումները կատարվում են` ելնելով սոցիալական արդարդության սկզբունքներից: «Կանանց միջին աշխատավարձը Հայաստանում 65-70 հազար դրամ է»,-ասել է Հակոբյանը:
Մի խումբ երիտասարդ կանայք` ներկա և ապագա մայրեր, ՀՀ նախագահին նամակ են ուղղել և խնդրել չվավերացնել «Ժամանակավոր անաշխատունակության նպաստների մասին» օրինագիծը, որով նախատեսվում է նպաստի առավելագույն չափը սահմանել 150 000 դրամ: