Հայ Առաքելական եկեղեցին և ՀՀ կրթության նախարարությունն արդեն 7-րդ տարին անընդմեջ մրցույթ են կազմակերպում հայ եկեղեցու պատմության, հայոց լեզվի և գրականության, հայոց պատմության, ինչպես նաև բնական գիտությունների ուսուցիչների համար:
Մայր Աթոռ Սուրբ Էջմիածնում նոյեմբերի 23-ին կայացավ 2010 թվականի մրցույթի հաղթողների պարգևատրման հանդիսավոր արարողությունը:
«Մենք բարձր ենք գնահատում ձեր նվիրվածությունն աշխատանքին, որի օգնությամբ դուք մեր երեխաների մեջ հայրենասիրություն եք դաստիարակում: Այս միջոցառումը ձեր հանդեպ մեր սերն արտահայտելու ևս մեկ առիթ է»,- նշեց Ամենայն Հայոց Կաթողիկոս Գարեգին Բ-ն: