Թուրքիայի հնագույն քրիստոնեական տաճարներից մեկը դրվել է վաճառքի: Ինչպես նշում է CNN-Turk-ը, այն բանից հետո, երբ թուրքական իշխանությունները թույլ չեն տվել ստամբուլցի գործարար Մետե Յալչինին վերանորոգել 780-797թթ. կառուցված եկեղեցին, որը նա գնել էր 10 տարի առաջ, գործարարը որոշել է վաճառել այն:

Կումկայա գյուղի գյուղապետը, որտեղ գտնվում է եկեղեցին, ցանկություն է հայտնել գնել այն` նշելով, սակայն, որ եկեղեցու գինը շատ բարձր է:

Ամեն տարի հարյուրավոր զբոսաշրջիկներ այցելում են Բուրսա գավառի Կումկայա գյուղ` ավերակների վերածված եկեղեցին տեսնելու համար: