Իսրայելի ու Թուրքիայի միջև լարված հարաբերությունների ֆոնի վրա որոշակի դինամիկա է նկատվում ԱՄՆ հայկական և հրեական լոբբիների փոխհարաբերություններում: Այդ մասին, ելույթ ունենալով «Իսրայելա-թուրքական հարաբերությունների դինամիկան և տարածաշրջանային համատեքստը» թեմայով կլոր սեղանի ժամանակ, հայտնեց ՀՀ ԳԱԱ Արևելագիտության ինստիտուտի տնօրեն, թուրքագետ Ռուբեն Սաֆրաստյանը: «Ամերիկայի հայկական և հրեական կազմակերպությունների միջև կապերը բավական ինտենսիվ են դարձել վերջին ժամանակներս: Նրանց հարաբերություններում նոր դինամիկա է նկատվում»,- ասաց Սաֆրաստյանը: