ՀՀ կառավարությունը հաստատել է բնապահպանական կրթության, դաստիարակության և իրազեկման ամբողջական և միասնական ազգային համակարգի ստեղծման հայեցակարգից բխող 2011-2015 թվականների միջոցառումների ծրագիրը:
Ինչպես նշել է Հայաստանի բնապահպանության նախարար Արամ Հարությունյանը , նախատեսված միջոցառումները համաձայնեցված են կրթության նախարարության ու բոլոր շահագրգիռ կողմերի հետ: Ըստ նախարարի, դրանք թույլ կտան բարձրացնել բնակչության իրազեկությունը բնապահպանության ոլորտում, ինչը թույլ կտա լուծել ոլորտում առկա խնդիրները: