ԵՄ-ն Ղարաբաղում ավելի քիչ հեղինակություն ունի, քան ԵԱՀԿ-ն: Ինչպես վկայում են ԼՂՀ-ում անցկացված հարցման արդյունքները, հարցման մասնակիցների միայն 16 տոկոսն է նշել, որ վստահում է ԵՄ-ին: Միայն 14 տոկոսն է գտնում, որ այդ կազմակերպությունը աջակցում է Հայաստանին ու Ղարաբաղին: «Հարցման մասնակիցների միայն մեկ հինգերորդն է գտնում, որ ԵՄ-ն դերակատարություն ունի հակամարտությոնների կարգավորման գործում և միայն 10 տոկոսն է նշել, որ կազմակերպությունը շահագրգռված է խաղաղության հաստատման մեջ»,-ասվում է հարցման արդյունքներում:
Ինչ վերաբերում է Հայաստանի ու ԵՄ միջև Ասոցիատիվ համաձայնագրի կնքմանը, Ղարաբաղում հարցման մասնակիցները որպես այդ համագործակցության կարևորագույն նպատակ նշել են բարենպաստ պայմանների ստեղծումը մարդու իրավունքների և օրենքի գերակայության համար: Որպես նվազ կարևոր նպատակ նշվել է ԵՄ երկրների հետ մուտքի արտոնագրերեի ռեժիմի պարզեցումը:
