Oրերս տեղի ունեցավ Արտադրության և արտահանման ասոցիացիայի (3Ա Ասոցիացիա) բացումն ու www.arm3a.org բիզնես-սոցիալական կայքի շնորհանդեսը:
Ասոցիացիայի նպատակն է` Հայաստանում արտահանմանն ուղղորդված արտադրության զարգացմանն ու նոր բիզնես-մշակույթի ձևավորմանը նպաստելը:
3Ա Ասոցիացիան հայաստանյան մինչ այժմ ստեղծված և գործող գործարար ասոցիացիաներից տարբերվում է իր նորարար մոտեցումներով: Այն իր տեսակով վիրտուալ է. ասոցիացիայի անդամ կարելի է դառնալ՝ ընդամենը գրանցվելով www.arm3a.org բիզնես-սոցիալական կայքում: 3Ա Ասոցիացիայի ամենակարևոր առանձնահատկություններից մեկն էլ այն է, որ գործելու է հենց կայքի հիմքի վրա:
Հայաստանում նախադեպը չունեցող www.arm3a.org կայքն իր տեսակով սոցիալական կայք է` նախատեսված կոնկրետ սոցիալական շերտի համար (գործարարներ, ձեռներեցներ, գիտնականներ, գյուտարարներ, մենեջերներ և այլք), հաղորդում է ասոցիացիայի մամլո ծառայությունը: