Հայկական պատվիրակությունը Եվրոպայի խորհրդի Խորհրդարանական վեհաժողովում (ԵԽԽՎ) նախկինի պես աննպատակահարմար է համարում ԵԽԽՎ-ում Լեռնային Ղարաբաղի գծով ենթակոմիտեի ստեղծումը: Ինչպես Երևանում կայացած մամլո ասուլիսում հայտարարել է ԵԽԽՎ-ում հայկական պատվիրակության ղեկավար Դավիթ Հարությունյանը, չի բացառվում նման ենթակոմիտեի ստեղծումը: «Ինչպես նախկինում, այնպես էլ այժմ մենք դեմ ենք այդ ենթակոմիտեի ստեղծմանը: Սակայն եթե այն ստեղծվի, ինչը մենք չենք բացառում, ապա Հայկական պատվիրակությունը գիտի ինչպես է գործելու այդ դեպքում»,-ասել է Հարությունյանը: