2010-ի նոյեմբերի 29-ին Երևանի Շառլ Ազնավուրի անվան հրապարակում Կանանց իրավունքների կենտրոնը «Ակտիվության 16 օր ընդդեմ գենդերային բռնության» քարոզարշավի շրջանակներում կազմակերպում է ցուցահանդես «Լուռ վկաներ» խորագրով, որի նպատակն է բարձրացնել հասարակության իրազեկվածության աստիճանը ընտանեկան բռնություն երևույթի վերաբերյալ և պայքարել դրա դեմ:

Ցուցահանդեսին կներկայացվեն կանանց կերպարներով 9 ուրվապատկերներ, որոնց վրա գրված են նրանց կյանքի իրական պատմությունները, իսկ անցորդներին կբաժանվեն կանանց նկատմամբ ընտանեկան բռնության երևույթի և դրա կանխման վերաբերյալ թռուցիկներ և բուկլետներ: