ԵԱՀԿ-ն պետք է վերսկսի ղարաբաղյան կարգավորմանն ուղղված ջանքերը: Այդ մասին Աստանայում գագաթնաժողովի ընդլայնված նիստում հայտարարել է ԱՄՆ պետքարտուղար Հիլարի Քլինթոնը:
«Ես ցանկանում եմ կրկնել ԵԱՀԿ ՄԽ համանախագահ երկրների անունից, որ ցանկացած արդար խաղաղության հիմքը պետք է լինեն Հելսինկյան սկզբունքները, ինչպես նաև նախագահներ Մեդվեդևի, Սարկոզիի ու Օբամայի մշակած վեց տարրերը:
ԱՄՆ պետքարտուղարն ընդգծել է, որ սուր հակամարտություններին արձագանքելու ԵԱՀԿ հնարավորությունը մի քայլ առաջ կլինի, սակայն առավել կարևոր է կազմակերպության դերի ամրապնդումն ու հակամարտությունների առաջացման ու վերսկսման կանխումը: «Ոչ մի այլ տարածաշրջանային կազմակերպություն չի կարող լավագույնս արձագանքել դրան»,-ասել է Քլինթոնը, հաղորդում է Ինտերֆաքս-Ղազախստանը: