ՀՅԴ-ն ընդհանուր առմամբ դրական է ընկալում Հայաստանի նախագահի ելությը Աստանայում կայացած ԵԱՀԿ գագաթնաժողովում: «Հուսով եմ, որ երբ նախագահն ասաց, որ Ադրբեջանի ագրեսիայի դեպքում Հայաստանը կճանաչի ԼՂՀ-ն, դա չի նշանակում, թե ՀՀ ղեկավարությունը այդ քայլին կդիմի միայն պատերազմի դեպքում: «Պատերազմի դեպքում հարկ կլինի միացնել Արցախը Հայաստանին»,-Երևանում կայացած մամլո ասուլիսում հայտարարել է ՀՅԴ Հայ դատի եւ քաղաքական հարցերով գրասենյակի պատասխանատու Կիրո Մանոյանը:

Անդրադառնալով Աստանայում Սարգսյան-Ալիև չկայացած հանդիպմանը՝ Մանոյանն ասել է, որ իրավիճակն այնքան էլ բարենպաստ չէ և ռազմական գործողությունների հավանականությունն աճում է: