Ջեռուցման սեզոնի մեկնարկի շեմին Հայաստանի բնակչության շրջանում լուրեր են տարածվել այն մասին, թե առաջիկա ամիսներին գազի սակագինը գործող 132 դրամի փոխարեն կկազմի 90 դրամ խմ համար: Սակայն «ՀայՌուսգազարդ» ՓԲԸ-ում հավաստիացրեցին, որ դա չի համապատասխանում իրականությանը: «Մինչև 2011թ. ապրիլի 1-ը գազի գործող սակագինը չի փոխվի»,-PanARMENIAN.Net-ի թղթակցի հետ զրույցում հայտարարել է ընկերության մամլո քարտուղար Շուշան Սարդարյանը:

2010թ. ապրիլի 1-ից գազի գինը հայ սպառողների համար աճեց 37,5 տոկոսով՝ կազմելով 132 դրամ խմ համար նախորդ 96 դրամի փոխարեն: 10 հազար խմ ավելի գազ օգտագործող ընկերությունների համար գինը աճեց 13 տոկոսով՝ կազմելով 243, 13 դոլար 1 հազար խմ գազի դիմաց նախորդ 215 դոլարի փոխարեն:

«Գազպրոմը» հայտարարել է Բելառուսի, Մոլդովայի ու Հայաստանի հետ շուկայական գնագոյացման անցնելու մասին և սակագնի աճ է ակնկալում 2011թ.: