Դեկտեմբերի 6-ին Երևանում մեկնարկեց Հավաքական անվտանգության պայմանագրի կազմակերպության (ՀԱՊԿ) անդամ երկրների ներքին գործերի նախարարությունների և ոստիկանության` մարդկանց առևտրի (թրաֆիքինգ) դեմ պայքարի ստորաբաժանումների ղեկավարների և մասնագետների աշխատանքային հանդիպումը:
Բացման խոսքով հանդես եկավ ՀՀ ոստիկանության ԿՀԴՊ գլխավոր վարչության թրաֆիքինգի դեմ պայքարի բաժնի պետ, ոստիկանության փոխգնդապետ Տիգրան Պետրոսյանը: Նա ներկայացրեց ՀՀ-ում թրաֆիքինգի ծագման նախապատմությունը` սկսած Խորհրդային Միության փլուզումից մինչև օրս:
Զեկույցում նշվեցին նաև այն երկրները, որտեղ առանձնապես շատ են արձանագրվել թրաֆիքինգի դեպքեր: Անդրադարձ եղավ նաև ՀԱՊԿ անդամ երկրների ՆԳ և ոստիկանության համապատասխան ստորաբաժանումների միջև փոխգործակցությանը, ինչն առավել կբարձրացնի թրաֆիքինգի դեմ պայքարի արդյունավետությունը:
Հանդիպմանը ներկա էին նաև մի շարք հասարակական կազմակերպությունների ներկայացուցիչներ:
Աշխատանքային հանդիպումը կշարունակվի դեկտեմբերի 7-ին, հաղորդում է ՀՀ Ոստիկանության մամլո ծառայությունը:
