«Հայէկոնոմբանկ» ԲԲԸ-ն երկրորդ տարին անընդմեջ MoneyGram միջազգային դրամական փոխանցումների համակարգի կողմից ճանաչվել է որպես «Հայաստանի Հանրապետությունում համակարգով հաճախորդներին գերազանց սպասարկող» բանկ:
Բանկի մամլո ծառայության հաղորդագրության մեջ ասվում է, որ 2010 թվականի դեկտեմբերի 7-8-ը ՌԴ մայրաքաղաք Մոսկվայում MoneyGram կողմից կազմակերպված «MoneyGram. ձեռքբերումներ և զարգացման նոր հեռանկարներ» կոնֆերանսը եզրափակվեց Իսրայելում և ԱՊՀ տարածաշրջանում MoneyGram կազմակերպության հիմնական գործընկերների հանդիսավոր ընդունելությամբ և պարգևատրման արարողությամբ, որտեղ «Հայէկոնոմբանկ» ԲԲԸ-ին շնորհվեց ՀՀ-ում համակարգով հաճախորդներին գերազանց սպասարկող բանկի կոչում:
Միջոցառմանը մասնակցել են 11 երկրներից հրավիրված MoneyGram համակարգին անդամակցող բանկերի ներկայացուցիչները`Հայաստան, Բելարուս,Վրաստան, Ղազախստան, Ղրղստան, Ռուսաստան, Մոլդովա, Տաջիկստան, Ուկրաինա, Ուզբեկիստան և Իսրայել, ինչպես նաև MoneyGram բարձրաստիճան ղեկավարությունը:
