Հայաստանը ստիպված կլինի դե-յուրե ճանաչել Լեռնային Ղարաբաղի անկախությունը Ադրբեջանի կողմից ռազմական գործողությունների վերսկսման դեպքում և ԼՂՀ անվտանգության ապահովման ուղղությամբ միջոցներ ձեռնարկել: Այդ մասին Մոսկվայում ՀԱՊԿ գագաթաժողովում հայտնել է Հայաստանի նախագահ Սերժ Սարգսյանը: «Հայաստանը կտրականապես դեմ է ղարաբաղյան հիմնախնդրի լուծմանը ռազմական ճանապարհով, և Ադրբեջանի հետ ռազմական գործողությունների վերսկսման դեպքում Լեռնային Ղարաբաղի Հանրապետության անկախությունը ճանաչելուց և նրա անվտանգությունը բոլոր միջոցներով ապահովելուց բացի այլընտրանք չի ունենա»,- ընդգծել է Սարգսյանը, հաղորդում է ՌԻԱ Նովոստին: