Դեկտեմբերի 11-ին և 12-ին Գյումրի քաղաքում տեղի կունենա Ռուբեն Սուվարու` «Աստծուն որոնելիս» խորագիրը կրող ցուցահանդեսը, հաղորդել են PanARMENIAN.Net գործակալությանը:
Հայաստանի տարբեր մարզերում առաջին անգամգրաֆիկայի ժանրում ցուցադրվում են Հայաստանի Հանրապետությունում նմանօրինակը չունեցող մանրանկարներ, որոնք ամբողջությամբ գրիչով են արված: Արտահայտում են մարդու և տիեզերքի կապը, ունեն փիլիսոփայական և պատմական հենք:
Ցուցահանդեսի պատվավոր հրավիրյալներից են Գյումրու քաղաքապետ Վարդան Ղուկասյանը, Գյումրու մշակույթի բաժնի պետ Արտաշես Կարապետյանը, Հայ առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանը:
Ռուբեն Սուվարին ծնվել է 1982թ. Ղազախստանի Ցելինագրադ (այժմ` մայրաքաղաք Աստանա) քաղաքում: Մեկ տարի անց ընտանիքով հաստատվել են Վանաձորում: Առաջին անգամ լրջորեն նկարչությամբ զբաղվել է, երբ 23 տարեկան էր: Աշակերտել է լոռեցի նկարիչ Խաչիկ Ղարաբեկյանին:
Ցուցահանդեսը կկայանաԳյումրու քաղաքապետարանի և ռուսական եկեղեցու աջակցությամբ: