Լեռնային Ղարաբաղի մասին ադրբեջանական բանաձևի քննարկումը ՄԱԿ-ում հետաձգվել է
«Ադրբեջանի օկուպացված տարածքներում տիրող վիճակի մասին» բանաձևի նախագծի քննարկումը ՄԱԿ-ի Գլխավոր վեհաժողովում կրկին հետաձգվել է: Ինչպես ասվում է ՄԱԿ-ի կայքում, այդ հարցի քննարկման ամսաթիվը հայտնի կդառնա ավելի ուշ:
Հարցի քննարկումը, որն ընդգրկված էր ՄԱԿ-ի ԳՎ 65-րդ նստաշրջանի օրակարգում , պետք է տեղի ունենար դեկտեմբերի 13-ին: Հետաձգվել է նաև «Սառեցված հակամարտությունները ՎՈՒԱՄ տարածքում և դրանց հետևանքները միջազգային խաղաղության, անվտանգության ու զարգացման համար» բանաձևի նախագծի քննարկումը:
