Հայաստանի խորհրդարանի լուծարման համար ոչ մի հիմք չկա: Այդ մասին, մեկնաբանելով ԶԼՄ-ների հաղորդագրությունները չորրորդ գումարման Ազգային ժողովի հնարավոր լուծարման մասին, հայտարարել է Հայաստանի Հանրապետական կուսակցության խորհրդարանական խմբակցության պատգամավոր Ռաֆիկ Պետրոսյանը: Գնահատելով քաղաքական ուժերի հաղթելու շանսերն առաջիկա խորհրդարանական ընտրություններում՝ իշխող կուսակցությունից ընտրված պատգամավորը հայտարարել է, որ ընդդիմությանը կհաջողվի հաղթահարել հինգտոկոսանոց արգելքն առաջիկա խորհրդարանական ընտրություններում: «Եթե ընդդիմությունը հանդես գա միասնական ցուցակով, ապա կկարողանա հավաքել ընտրողների ձայների 15-20 տոկոսը»,-ասել է Պետրոսյանը: