Հայաստանն աղքատ երկիր չէ, նա աղքատ և անարդյունավետ սոցիալական կառավարման համակարգ ունի, կարծում է Երևանում Շահերի պաշտպանության և աջակցության կենտրոնի (ՇՊԱԿ) գրասենյակի ղեկավար Մարատ Ատովմյանը: Նա նշել է, որ կենտրոնը կոնկրետ առաջարկներ է ներկայացրել Հայաստանի 4 զգայուն ոլորտներում կոռուպցիոն ռիսկերի նվազեցման համար. սոցիալական ծառայությունների տրամադրում, դատական ակտերի կատարում, քաղաքացիական ակտերի գրանցման գրասենյակ, թոշակների հաշվարկ: «Այդ բարեփոխումները պահանջում են մեխանիզմների պարզեցում նշված ոլորտներում կոռուպցիոն ռիսկերը նվազեցնելու համար: Օրինակ, քաղաքացիներից դրամաշորթության դեպքերը նվազեցնելու համար քաղաքացիական ակտերի գրանցման կենտրոնները և սոցիալական ծառայությունները պետք է գրասենյակների տեսանելի վայրերում ցուցադրեն իրենց կողմից մատուցվող ծառայությունների գները»,- ասել է Ատովմյանը: Այլ բարեփոխումները վերաբերվում են սոցիալական նպաստների տրամադրման ընթացակարգերը հեշտացնելուն:
ՀՀ աշխատանքի նախարարության կայքում կարելի է զետեղել անապահով ընտանիքների նպաստի հաշվառման կարգը, որպեսզի ցանկացած մարդ կարողանա հաշվել նպաստի գումարը, հայտարարել է փորձագետը:
