Հայաստանի վարչապետ Տիգրան Սարգսյանը դեկտեմբերի 15-ին ընդունել է Եվրոպական հանձնաժողովի արտաքին հարաբերությունների գլխավոր տնօրինության Արևելյան Եվրոպայի, Հարավային Կովկասի և Կենտրոնական Ասիայի հարցերով տնօրեն Գունար Վիգանդին, որը Երևանում է գտնվում Եվրոպական Միության հետ Հայաստանի Ասոցացման համաձայնագրի բանակցությունների լիագումար երրորդ նիստին մասնակցելու նպատակով:
Ինչպես հաղորդում է ՀՀ կառավարության մամլո ծառայությունը, Գունար Վիգանդը կառավարության ղեկավարին է ներկայացրել բանակցությունների ընթացքն ու գրանցված առաջընթացը:
Հանդիպման ընթացքում անդրադարձ է արվել նաև ԵՄ-ի հետ խոր և համապարփակ ազատ առևտրի մասին համաձայնագրի կարևորությանը և այդ ուղղությամբ բանակցություններ սկսելու վերաբերյալ կողմերի պատկերացումներին:
Վարչապետ Սարգսյանը ներկայացրել է Հայաստանի Հանրապետությունում ընթացող բարեփոխումների ընթացքը: