Ամերիկայի Հայ դատի հանձնախմբի աղբյուրների (ANCA) համաձայն, ԱՄՆ հայ համայնքը սկսել է Կոնգրեսի առաջնորդների վրա ճնշում գործադրելու աննախադեպ ակցիա` Ներկայացուցիչների պալատի կողմից Հայոց ցեղասպանության մասին 252 բանաձևի օգտին քվեարկելու համար, որը կարող է կայանալ դեկտեմբերի 21-ին:

Ինչպես գրում է Asbarez թերթը, հազարավոր ամերիկահայեր զանգահարել են Պալատի խոսնակ Նենսի Փելոսիի գրասենյակ` կոչ անելով քվեարկության դնել 252 բանաձևը Կոնգրեսը ցրելուց առաջ: