«ՀայՌուսգազարդ» ՓԲԸ-ի վարչության փոխնախագահ Վարդան Հարությունյանը դեկտեմբերի 21-ին նշանակվել է վարչության նախագահ-գլխավոր տնօրենի ժամանակավոր պաշտոնակատար:
«ՀայՌուսգազարդ» ՓԲԸ-ի վարչության նախագահ, «Գազպրոմ» ԲԲԸ-ը գազի և ջրի ածխաջրածինների վերամշակման, մարքեթինգի դեպարտամենտի մերձավոր արտերկրի հետ աշխատանքի վարչության պետ Անատոլի Պոդմիշալսկին լրագրողներին է հաղորդել, որ ժամանակավոր պաշտոնավարումը կտևի մինչև ընկերության բաժնետերերի նիստը, երբ արդեն պաշտոնապես կընտրվի վարչության նախագահ-գլխավոր տնօրենը: «ՀայՌուսգազարդը»մ որպես կադրերի դարբնոց աճեցրեց իր շարքերում Երևանի քաղաքապետին: Վերջին տարիներին ընկերության կոլեկտիվը շատ արդյունավետ է աշխատել և իր օրինակով ցույց է տվել թե ինչպես կարելի է կազմակերպչական միջոցների, ճիշտ կադրային քաղաքականության շնորհիվ կառուցել աշխատանքը: Գազի ոլորտը հանրապետության առաջատար ոլորտներից է, իսկ «ՀայՌուսգազարդը» Հայաստանի խոշորագույն հարկատուներից է»,-ասել է նա:
Դեկտեմբերի 17-ին Երևանի Ավագանու նիստում Կարեն Կարապետյանը ընտրվեց Երևանի քաղաքապետ:
