Ռոբերտ Գիբս. Նախագահ Օբաման Կոնգրեսի առաջնորդներին չի ստիպել քվեարկության չդնել Հայոց ցեղասպանության մասին 252 բանաձևը
Սպիտակ տան վարչակազմը չեզոք է վերաբերվում Հայոց ցեղասպանության մասին բանաձևին: Այդ մասին Վաշինգտոնում կայացած ճեպազրույցում հայտնել է ԱՄՆ նախագահի մամլո քարտուղար Ռոբերտ Գիբսը: «Նախագահ Օբաման Կոնգրեսի առաջնորդներին չի ստիպել քվեարկության չդնել Հայոց ցեղասպանության մասին 252 բանաձևը: Ինչ վերաբերում է Բարաք Օբամայի արձագանքին Թուրքիայի վարչապետ Էրդողանի նամակին այդ կապակցությամբ, ապա նախագահի արձագանքը լավագույն դեպքում անտարբեր է»,- ընդգծել է Գիբսը:
Նրա խոսքով` թուրք-ամերիկյան հարաբերություններն արտակարգ կարևոր են: «Բայց ես չգիտեմ, թե արդյոք Օբաման որևէ բան է ձեռնարկել բանաձևի հարցի առնչությամբ, և կարծում եմ, որ նրա կարծիքն այդ հարցի վերաբերյալ հայտնի է»,- ասել է Գիբսը:
