ՌԴ վարչապետ Վլադիմիր Պուտինը հույս ունի, որ Հայաստանը բարենպաստ պայմաններ կստեղծի երկրում ռուսական բիզնեսի համար, ինչը թույլ կտա երկու երկրներին ավելի արդյունավետ զարգացնել համագործակցությունը, հաղորդում է ԻՏԱՌ-ՏԱՍՍ-ը:
«Մենք հույս ունենք, որ Ձեր և ՀՀ նախագահի աջակցությամբ մեր բիզնեսն իրեն լավ կզգա, և համատեղ ջանքերով մեզ կհաջողվի հատել համագործակցության նոր սահմաններ»,- ասել է Պուտինը ՀՀ վարչապետ Տիգրան Սարգսյանին` ընդունելով նրան Կոնստանտինյան պալատում: Պուտինի խոսքերով, չնայած ճգնաժամի ընթացքում բարդ պայմաններին, «ոչ մի ռուսական ընկերություն Հայաստանից չի գնացել»:
Նա երկու երկրների հարաբերությունները «յուրահատուկ է անվանել տարբեր ոլորտներում, թե քաղաքականության, թե ռազմական փոխազդեցության»: