Երևանի քաղաքապետարանը տարածք կհատկացնի ՉԺՀ Շանհայ քաղաքում կայացած «Բարեկեցիկ քաղաք, բարեկեցիկ կյանք» խորագրով Շանհայ էքսպո-2010» համաշխարհային ցուցահանդեսում լավագույնը ճանաչված հայկական տաղավարի համար: Այդ մասին կառավարության նիստում հայտարարել է ՀՀ վարչապետ Տիգրան Սարգսյանը:
Վարչապետ Տիգրան Սարգսյանը շնորհավորել և շնորհակալություն է հայտնել «Շանհայ էքսպո-2010»-ի Հայաստանի տաղավարի կազմակերպիչներին ու մասնակիցներին, մշակութային ծրագրի հեղինակներին և կատարողներին, ում համատեղ ջանքերով հայկական տաղավարը լավագույն է ճանաչվել, իսկ չին գործընկերներն առաջարկել են շարունակել դրա ցուցադրությունը, հաղորդում է կառավարության մամլո ծառայությունը։ «Երևանի քաղաքապետարանն իր հերթին է հնարավորություն ստեղծում, որպեսզի տաղավարը ցուցադրվի նաև մայրաքաղաքում և հասանելի դառնա երևանցիներին»,-ասել է վարչապետը: