Եվրամիության հետ Մինսկի հետագա հարաբերությունները շատ առումներով կախված կլինեն Արևմուտքից: Այդ մասին Երևանում լրագրողների հետ հանդիպմանը հայտնեց Հայաստանի Հանրապետությունում Բելառուսի Հանրապետության դեսպան Ստեպան Սուխարենկոն: «Մենք ինչպես Արևմուտքի, այնպես էլ Արևելքի հետ երկխոսության կողմնակից ենք: Մենք մերժում ենք միայն ստանդարտ ժողովրդավարությունը, քանի որ յուրաքանչյուր երկիր ունի իր ազգային առանձնահատկությունները: Մենք հանդես ենք գալիս երկխոսության և հավասար հարաբերությունների կողմից` առանց երկակի ստանդարտների»,- հայտնեց ՀՀ-ում Բելառուսի դեսպանը` պատասխանելով PanARMENIAN.Net-ի թղթակցի հարցին: