Արցախի Հանրապետության նախագահ Բակո Սահակյանը դեկտեմբերի 28-ին այցելել է Ասկերանի շրջանի Խնածախ գյուղ և մասնակցել Հայրենական Մեծ պատերազմում և Արցախյան ազատամարտում զոհվածների հիշատակին կառուցված հուշարձանի բացման հանդիսավոր արարողությանը:
Բակո Սահակյանը ծանոթացել է նաև գյուղի նորակառույց գյուղապետարանի աշխատանքային պայմաններին:
Երկրի ղեկավարը կարևորել է գյուղական բնակավայրերի շենացումը՝ այն համարելով Արցախի զարգացման առանցքային ուղղություններից մեկը:
Նախագահին ուղեկցում էին կառավարության անդամներ, Ազգային ժողովի պատգամավորներ, պաշտոնատար այլ անձինք, հաղորդում է Արցախի Հանրապետության նախագահ ի աշխատակազմի տեղեկատվության գլխավոր վարչությունը: