«Արևելյան գործընկերության» հաջողությունը կարող է զգալիորեն հզորացնել եվրոպական հանրությունը: Այդ մասին հայտարարել է Հունգարիայի վարչապետ Վիկտոր Օրբանը: «Արևելյան գործընկերության» առաջընթացը ԵՄ-ում Հունգարիայի նախագահության ընթացքում արտաքին քաղաքականության գերակայություններից է»,-ասել է Օրբանը:
Օրբանն ընդգծել է, որ 2011թ. մայիսին Հունգարիան կազմակերպում է «Արևելյան գործընկերության» գագաթնաժողովը Բուդապեշտում:
Ինչպես նշել է Հունգարիայի վարչապետը, նա արդեն հանդիպել է ԵՄ բոլոր երկրների վարչապետների հետ, բանակցել է ծրագրի մասնակից երկրների նախագահների հետ: «Հանդիպումների արդյունքում մենք եկանք այն եզրակացության, որ ԵՄ բոլոր երկրները և եվրահարևանության երկրները շահագրգռված են, որ Եվրոպան ուժեղ լինի: Ուստի մենք ամեն ինչ կանենք, որպեսզի ապահովենք հանրության բարգավաճումն ու հաջողության հասնենք Եվրոպա-2020 ռազմավարության գործում»,-ասել է Օրբանը, հաղորդում է ENPI-ին:
