Աշխարհի երկրներում տնտեսական ազատությունների հերթական ամենամյա վարկանիշի համաձայն, որը հրապարակվել է Heritage ամերիկյան հետազոտական կենտրոնի և Wall Street Journal գործարար թերթի կողմից, Հայաստանն այդ վարկանիշում աշխարհի 179 երկրների շարքում զբաղեցնում է 36-րդ տեղը:

Անցյալ տարվա համեմատ Հայաստանը բարելավել է իր դիրքերը 0.5 կետով:

Միաժամանակ, Հայաստանում ձեռնարկատիրության զարգացմանը խոչընդոտող հիմնական գործոնը Heritage կենտրոնի զեկույցի հեղինակները համարում են երկրում կոռուպցիայի բարձր մակարդակը: Նրանց կարծիքով ևս մեկ բացասական գործոն է երկրի պետական պարտքի բարձր մակարդակը (ՀՆԱ 50 տոկոսը):

Զեկույցի համաձայն, վարկանիշում առաջին տեղը զբաղեցնում է Հոնկոնգը, երկրորդ տեղը` Սինգապուրը, երրորդ տեղը` Ավստրալիան:

Բացի դրանից, այս վարկանիշում Վրաստանը զբաղեցնում է 29-րդ տեղը, Ադրբեջանը` 92, Ռուսաստանը` 143, Ուկրաինան` 164: