Եվրոպայի ու Եվրասիայի հարցերով ԱՄՆ պետքարտուղարի տեղակալ Ֆիլիպ Գորդոնը Կիպրոսում է գտնվում: Այցի շրջանակներում Գորդոնը հանդիպել է կիպրոսյան թուրքերի ղեկավար Դերվիշ Էրօղլուի և Կիպրոսի նախագահ Դեմետրիս Կրիստոֆիասի հետ: Ամերիկյան դիվանագետը հանդիպել է նաև Կիպրոսի հարցերով ՄԱԿ ներկայացուցիչ Ալեքսանդր Դոուների հետ:

«Մենք հետևում ենք իրադրությանը Կիպրոսում և կապ ենք պահպանում նախագահ Օբամայի վարչակազմի հետ: Սակայն Գորդոնը տեղում իրադրությանը ծանոթանալու, սկզբնական աղբյուրից տեղեկատվություն ստանալու հիանալի հնարավորություն ունի»,- հայտնել է ԱՄՆ Պետքարտուղարության պաշտոնական ներկայացուցիչ Ֆիլիպ Քրոուլին` ավելացնելով, որ ԱՄՆ-ն օժանդակում է դաշնության սկզբունքների հիման վրա կղզու հիմնախնդրի լուծման ուղղությամբ ջանքերը: